SHBA: Armët për Kosovën për të forcuar institucionet

[goni]

SHBA: Armët për Kosovën për të forcuar institucionet


01.04.2008
"Një pjesë e planit Ahtisaari kërkon që të sigurohet aftësia e institucioneve të Kosovës, përfshirë edhe forcat e sigurisë, që të mund të funksionojnë të pavarura dhe të kryejnë detyrat e plota të një qeverie të pavarur. Kjo është politika që mbështesim ne", tha Casey.
Zëdhënësi i Departmenti të Shtetit Tom Casey ka thënë se ka qenë 'politikë e qeverisë së Shteteve të Bashkuara njohja e pavarësisë së Kosovës' dhe ka ritheksuar se edhe ndihma dhe furnizimi në armatim është pjesë e planit për aftësimin e forcave të saj që të funksionojnë të pavarura.
Zëdhënësi i bëri këto përgjigje i pyetur të komentonte vendimin e para dy javësh të presidentit George Bush për të furnizuar me armatim Kosovën dhe forcat e saj të sigurisë.
"Ne e njohim Kosovën si shtet të pavarur dhe këtë e kanë bërë edhe shumë vende të tjera në botë. Një pjesë e planit Ahtisaari kërkon që të sigurohet aftësia e institucioneve të Kosovës, përfshirë edhe forcat e sigurisë, që të mund të funksionojnë të pavarura dhe të kryejnë detyrat e plota të një qeverie të pavarur. Kjo është politika që mbështesim ne", tha Casey.
I pyetur që të komentonte një deklaratë të ish sekretarit të Shtetit, Lawrence Eagleburger dhënë një gazete greke se pavarësia e Kosovës na qenka një hap i parë drejt krijimit të Shqipërisë së Madhe, zëdhënësi i politikës së jashtme amerikane tha se nuk dinte për një skenar të tillë.
"Unë nuk kam njohuri nëse dikush këtu apo atje ka propozuar ndonjë Shqipëri të madhe', tha Casey. Ai shtoi se gjëja më e mirë për ish zyrtarët si Eagleburger është se ata janë qytetarë privat dhe mund të flasin çfarë të duan.
"Mirëpo ju e dini politikën e qeverisë së Shteteve të Bashkuara e ajo është njohja e pavarësisë së Kosovës", tha ndër të tjera zëdhënësi Tom Casey. (S. Gashi-rtk)
_________________
Kenaqesia me e madhe dhe me fisnike qe kemi ne ne kete bote eshte te zbulojme te vertetat e reja dhe pastaj t´i trondisim paragjykimet.