Statusi i Kosovës mund të jetë i imponuar

[JamArber]

Staford: Statusi i Kosovës mund të jetë i imponuar

Uashington, Ekzistojnë dallime midis qëndrimit zyrtar të SHBA-ve e Bashkimit Evropian dhe pikëpamjeve jozyrtare për statusin e Kosovës, thotë Roj Staford, ekspert për Ballkanin dhe profesor i politikës së sigurisë në Kolexhin Kombëtar në Uashington. Ndërkaq për deklaratën e diplomatit britanik Xhon Sauers se Grupi i Kontaktit tashmë ka marrë vendim për pavarësinë e Kosovës, Staford thotë se kjo është reflektim i meditimeve, i kushtëzuar nga realiteti. "Mirëpo as Uashingtoni as Brukseli nuk kanë qëndrim zyrtar apo të formuluar për çështjn e statusit të ardhshëm të Kosovës, i cili do të zgjidhet me bisedime", u shpreh Staford për "Zërin e Amerikës".
Pasi citon dokumentin e Grupit të Kontaktit të publikuar në fund të janarit në Londër, ku thuhet se "Beogradi duhet ta ketë parasysh se zgjidhja për Kosovën duhet të jetë e pranueshme për popullin e Kosovës", Staford thotë se të gjithë e dinë se zgjidhja e vetme e pranueshme për popullsinë shumicë shqiptare është pavarësia. Shtrohet pyetja, thotë më tej Staford, se si të arrihet pavarësia, në faza apo fjala është për pavarësinë e kushtëzuar. Sipas dokumetit të Grupit të Kontaktit, thotë ai, shihet qartë se do të bisedohet për decentralizimin, lirinë e lëvizjes së serbëve dhe të pjesëtarvë të tjerë të pakicave, për mbrojten e komuniteteteve, të objekteve fetare dhe kthimin e refugjatëve.
Sipas këtij eksperti amerikan. veriu i Kosovës praktikisht është serb, gjë që e shohin edhe shqiptarët edhe bashkësia ndërkombëtare. "Domethënë, për atë pjesë të Kosovës duhet gjendur një zgjidhje kreative, e njëra prej tyre do të ishte decentralizimi në përputhje me të zona në veri të Ibrit do të kishte autonominë e vet, përkatësisht një status special, i ngjashëm me atë që ka Republika Srpska në kuadër të Bosnjës e Hercegovinës, si dhe marrëdhënie speciale më Serbinë. Solucionin e tillë shqiptarët e Kosovës vështirë do ta pranonin, por vetëm me ndihmën dhe insistimin e Uashingtonit. Shqiptarët kanë besim në Uashingtonin, por jo edhe në Brukselin, që do të thotë se Amerika duhet të mbetet e angazhuar në negociata", thotë Staford.
Duke folur për mundësinë e kompromisit, Staford thotë se për Beogradin nuk është e pranueshme një zgjidhje kompromisi përveç autonomisë. "Kjo mund të krijonte situatën që zgjidhja të imponohet, gjë që mund të jetë rezultat më i besueshëm". Pra statusi i Kosovës mund të imponoher megjithë paralajmërimet zyrtare të Beogradit se Serbia nuk është në gjendje të bëjë shumë në lidhje me atë vendim.